Венгрыя зняла вета на крэдыт ЕС для Украіны
Сцягі ЕС і Украіны / pixabay.com
Венгрыя зняла вета, і пастаянныя прадстаўнікі краін ЕС зацвердзілі крэдыт Украіне на 90 млрд еўра, перадае DW.
Таксама паслы ЕС зацвердзілі 20-ы пакет санкцый супраць Расіі, удакладняе з Бруселя рэдактар RFE/RL Рыкард Юзвяк.
Гаворка ідзе пра зацвярджэнне папраўкі да шматгадовага бюджэту ЕС. Гэта апошні тэхнічны элемент, неабходны для запуску крэдыту для Кіева.
Гэтае пытанне заставалася нявырашаным на працягу некалькіх месяцаў. Яго блакавалі Венгрыя і Славакія. Яны спасылаліся на прыпыненне паставак нафты па нафтаправодзе "Дружба", які быў пашкоджаны на тэрыторыі Украіны расійскім ударам. 21 красавіка Украіна паведаміла пра завяршэнне рамонтных работ, і сёння перапампоўка нафты аднавілася. Першыя пастаўкі ў Славакію і Венгрыю чакаюцца 23 красавіка.
