Падпалкоўніка-палітвязня асудзілі на 14 гадоў зняволення
Антон Чарамных / "Звязда"
Былому вайскоўцу Антону Чарамных прысудзілі 14 гадоў калоніі ўзмоцненага рэжыму. Палітвязень ужо амаль тры з паловай гады знаходзіцца за кратамі, але прысуд праваабаронцы "Вясны" даведаліся толькі цяпер.
Увесну 2024 года Чарамных асудзілі паводле ч. 2 арт. 356 КК (здрада дзяржаве асобай, на якую распаўсюджваецца статус ваеннаслужачага) і ч. 3 арт. 130 КК (распальванне іншай сацыяльнай варожасці або варажнечы).
Антон Чарамных — падпалкоўнік, былы намеснік камандзіра 310-й групы артылерыі па ідэалагічнай рабоце 120-й асобнай гвардзейскай механізаванай брыгады гвардыі. У яго ёсць двое дзяцей. Тэрмін ён адбывае ў наваполацкай калоніі №1.
