"Палёт на вогненым шары": астранаўты абляцелі Месяц і вяртаюцца на Зямлю
У космасе / NASA
Чацвёра астранаўтаў місіі Артэміда‑2 на караблі Арыён паспяхова абляцелі Месяц і цяпер рыхтуюцца да прызямлення каля ўзбярэжжа Сан-Дыега. Напярэдадні вяртання экіпаж правёў прэс‑канферэнцыю прама ў космасе.
Пілот місіі Віктар Гловер прызнаў, што каманда да гэтага часу не ўсвядоміла маштаб падзеі: "Ёсць яшчэ так шмат здымкаў, столькі гісторый… я нават яшчэ не пачаў усведамляць, праз што мы прайшлі".
Ён дадаў, што наперадзе іх чакае "палёт на вогненым шары праз атмасферу", які стане яшчэ адным незабыўным момантам.
Падчас 40-хвіліннага адключэння сувязі экіпаж апынуўся ў поўнай цішыні.
Камандзір Рэйд Уайзман расказаў, што астранаўты ненадоўга адключыліся ад працы, каб адчуць момант: "Мы разам прысвяцілі гэтаму хвіліну… проста каб сапраўды ўсвядоміць, дзе мы знаходзімся".
