Новы Starship V3 паспяхова прайшоў выпрабаванні, але не абышлося без збояў

Кампанія SpaceX правяла 12-ы тэставы запуск касмічнай сістэмы Starship, у якім упершыню дэбютавала новае пакаленне паскаральнікаў V3. Выпрабаванне паказала перавагі ў параўнанні з паскаральнікамі версіі V2. Утім падчас палёту былі выяўлены і праблемы ў бягучай версіі развіцця самага вялікага касмічнага карабля.

Што атрымалася

Старт ракеты і аддзяленне прайшлі паспяхова. Сверхцяжкая ракета стартавала з пляцоўкі Pad 2. Усе 33 рухавікі Raptor запусціліся штатна (хаця адзін з іх адмовіў пазней), і праз 45 секунд звязка пераадолела зону максімальнага аэрадынамічнага супраціву. "Гарачае" аддзяленне карабля Starship S39 і паскаральніка Super Heavy B19 таксама прайшло ідэальна.

Паскаральнік B19 паспяхова ўвайшоў у атмасферу і вытрымаў пікавыя нагрузкі. Карабель S39 выйшаў на запланаваную незамкнёную арбіту, адкрыў грузавы адсек і выканаў выгрузку 22 макетаў спадарожнікаў Starlink V3.

Асобным поспехам стала праца цеплавой абароны: Starship S39 вытрымаў экстрэмальны нагрэў пры вяртанні ў атмасферу. Плаўнікі і механізмы пасадкі не расплавіліся, што пацвердзіла надзейнасць абноўленай абароны. У фінале місіі S39 перазапусціў два рухавікі і выканаў імітацыю мяккай пасадкі ў зададзенай кропцы акіяна.

Што пайшло не зусім па плане

Першы тармазны манеўр прайшоў часткова паспяхова. На этапе вяртання паскаральніка B19 планавалася ўключэнне 6 рухавікоў на караблі S39 і перазапуск 8 рухавікоў на паскаральніку B19. Аднак у выніку на паскаральніку спрацавалі толькі 5 рухавікоў з 8.

Што пайшло зусім не па плане

Інжынерам не ўдалося правесці тэст перазапуску аднаго рухавіка Raptor 3 ва ўмовах касмічнага вакууму.

Таксама цалкам сарвалася фінальная стадыя вяртання першай ступені Super Heavy B19. Не адбыўся перазапуск 13 рухавікоў для другога тармазнога манеўру, з-за чаго правалілася імітацыя пасадкі B19 на віртуальную вежу абслугоўвання над вадой з наступнай утылізацыяй.