Пінскага праваслаўнага святара за "палітыку" асудзілі на "хатнюю хімію"

Праваслаўнага святара з Пінска Аляксея Пыцько асудзілі да двух гадоў абмежавання волі без накіравання ў папраўчую ўстанову — гэта так званая "хатняя хімія". 24 ліпеня яго імя з'явілася ў спісе "экстрэмістаў", які складае МУС, заўважыла "Хрысціянская візія".

Брэсцкі абласны суд прызнаў святара вінаватым у "садзейнічанні экстрэмісцкай дзейнасці" (часткі 1 і 2 артыкула 361-4 КК). Па гэтых артыкулах масава судзяць людзей, якія дасылалі інфармацыю маніторынгаваму праекту "Беларускі Гаюн".

Паведамляецца, што Аляксею Пыцько 43 гады. Ён родам з Лепеля, скончыў гістарычны факультэт Віцебскага дзяржуніверсітэта па спецыяльнасці "тэалогія". Таксама Аляксей вучыўся ў Мінскай духоўнай акадэміі і атрымаў пасвячэнне ў Віцебску. Разам з жонкай святар выхоўвае пяцярых дзяцей.