"Тэрарыстам" абвясцілі палітуцекача, які прыехаў у Беларусь праз камісію па вяртанні
Анатоль Вайцяхоўскі / "Беларусь 1"
У "спіс тэрарыстаў", які складае КДБ, дадалі актывіста Анатоля Вайцяхоўскага, які з Беластока прыехаў у Беларусь праз камісію па вяртанні і даваў інтэрв'ю БТ. Гэта заўважыла выданне "Наша Ніва".
Вайцяхоўскі застаўся на волі, але ён не можа ні завесці тэлефонны нумар, ні карыстацца банкаўскай карткай.
У сярэдзіне 1990-х Вайцяхоўскі быў адным з заснавальнікаў папулярнай газеты "Шаг" у Баранавічах. Потым ён пакінуў журналістыку, заняўся бізнесам. У 2023-м яго затрымаў ГУБАЗіК за каментары ў Тэлеграме супраць расійскай агрэсіі ва Украіне і гвалту сілавікоў. Калі яго выпусцілі, Вайцяхоўскі з дапамогай "Байсола" пакінуў краіну, жыў у Беластоку.
На пачатку 2026 года праз камісію па вяртанні ён вярнуўся ў Беларусь, зняўся ў прапагандысцкім фільме БТ. Тым не менш яго судзілі па чатырох палітычных артыкулах Крымінальнага кодэкса і прысудзілі "хатнюю хімію".
