У Беларусі рыхтуецца грамадская кампанія "Стоп-бензін 2"

Нагодай стала тое, што "Белнафтахім" павысіў кошты на бензін на 5-10% — у залежнасці ад віда паліва. Як кажа Шаркоў, яшчэ да павышэння коштаў аргкамітэт аб'яднання "За аўто" накіраваў зварот да аўтамабілістаў і ў канцэрн "Белнатфахім". У звароце гаварылася, што павышэнне коштаў прывядзе да збяднення народу і негатыўна адаб'ецца на эканамічнай сітуацыі насельніцтва.

Шаркоў: "Таму мы на сённяшні дзень распачынаем новую акцыю, яна называецца "Стоп-бензін 2". Яе мэтай з'яўляецца прыпыненне росту коштаў, бо мы яшчэ месяц таму ведалі пра намер "Белнафтахіма" павысіць кошты да 20%. І сённяшняе павышэнне коштаў на 5-10% ёсць толькі першай прыступкай у гэтай коштавай барацьбе. Таму мы вырашылі распачынаць акцыю, каб прыпыніць гэтыя дзеянні".