Вікторыя Азаранка зноў стане першай ракеткай свету
Ёй дапамагла перамога Серэны Уільямс, якая ў фінале Уімблдона абыграла Агнешку Радваньску — 6:1, 5:7, 6:2.
Абноўленая версія сусветнага рэйтынгу будзе апублікаваная 9 ліпеня, інфармуе БЕЛТА. Беларуска Вікторыя Азаранка са студзеня сёлета займала верхні радок у сусветнай класіфікацыі, пакуль у чэрвені не прайграла ў 1/8 фіналу “Ралан Гарос” славачцы Дамініке Цыбулкавай. Тады першай ракеткай свету стала расіянка Марыя Шарапава, але пратрымалася там усяго месяц, бо ў 1/8 Уімблдона прайграла Сабіне Лісіцкі з Нямеччыны.
Азаранка выбыла з гэтага турніру на стадыі паўфіналу, прайграўшы Серэне Уільямс. Такім чынам, праз дзень Беларуска будзе першай, полька Агнешка Радваньска другой ракеткай свету.
