Стала вядома пра вызваленне палітвязня, які раней быў адным з галоўных турэмшчыкаў РБ

На свабоду выйшла сямейная пара палітвязняў — 55‑гадовы Сяргей Сандалюк і 52‑гадовая Анжэла Сандалюк. Яны былі асуджаныя на два гады калоніі за ўдзел у пратэстах. Пра іх вызваленне піша "Наша Ніва".

Сандалюкі цалкам адбылі прызначаны тэрмін: з улікам часу, праведзенага ў СІЗА, у кожнага з іх атрымалася прыкладна па паўтара года зняволення.

Сяргей Сандалюк у 2013-2018 гадах быў намеснікам начальніка Дэпартамента выканання пакаранняў. Ён адказваў за ідэалагічную работу і кадравае забеспячэнне. У канцы 2018-га пайшоў у адстаўку ў выніку нейкага скандалу. У 2019‑м ён зарэгістраваў ІП — здаваў жыллё ў арэнду.

Арыштавалі Сандалюкоў у траўні 2024-га, абвінаваціўшы ва ўдзеле ў пратэстах. Муж адбываў пакаранне ў калоніі ў Віцебску, жонка — у Гомелі.

Паводле звестак НН, у сакавіку 2026-га Сяргей Сандалюк падаў дакументы на ліквідацыю свайго ІП.