Стужка беларускага рэжысёра трапіла на Венецыянскі кінафестываль
Андрэй Куціла / Еўрарадыё
У праграму Венецыянскага кінафестывалю ўвайшла стужка беларускага рэжысёра-дакументаліста Андрэя Куцілы, заўважыў тг-канал "Свяшчэнны Белавуд".
Фільм "Лісты" (Лісты з краіны, якая маўчыць) пакажуць у пазаконкурснай праграме Venice Open. Гэта стала вядома падчас агалошвання праграмы дырэкцыяй венецыянскай біенале 23 ліпеня.
Стужка заснаваная на перапісцы сваякоў з палітзняволенымі. Фільм здымаўся на працягу некалькіх гадоў.
Кінафестываль у Венецыі пройдзе з 2 па 12 верасня на востраве Лідо.
