У пятніцу ў Беларусі чакаюцца кароткачасовыя дажджы і навальніцы

У пятніцу, 24 ліпеня, у Беларусі чакаецца воблачнае з праясненнямі надвор'е, паведамляе Белгідрамет.

Уначы ў асобных раёнах, а ўдзень на большай частцы тэрыторыі пройдуць кароткачасовыя дажджы, месцамі прагрымяць навальніцы. Уначы і зранку ў асобных раёнах будзе згушчацца слабы туман. Вецер чакаецца пераменных напрамкаў, уначы — слабы, удзень — умераны, пры навальніцах — парывісты.

Тэрмометры ўначы пакажуць 8-14 градусаў цяпла, удзень будзе 19-25 градусаў са знакам "плюс".

У суботу, 25 ліпеня, уначы прагназуецца пераменная воблачнасць, удзень — воблачна з праясненнямі. Месцамі па краіне пройдуць кароткачасовыя дажджы. Удзень у асобных раёнах чакаюцца навальніцы. Вецер будзе пераменных кірункаў — ад слабога да ўмеранага, пры навальніцах — парывісты. Уначы тэмпература паветра складзе 7-13 градусаў вышэй за нуль, удзень падымецца да +20...+26 градусаў.