У Брэсце працягваюць ліквідаваць наступствы пажару на нафтабазе

Выратавальнікі з Міністэрства па надзвычайных сітуацыях працягваюць ліквідаваць наступствы пажару на нафтабазе ў Брэсце. Цяпер там здымаюць забруджаны грунт.  Чатыры машыны выратавальнікаў працягваюць дзяжурыць на месцы здарэння на выпадак узнікнення надзвычайнай сітуацыі.

Нагадаем, што ў суботу загарэлася нафтабаза "Брэстаблнафтапрадукт" ў рысе Брэста. Пажару была нададзеная трэцяя катэгорыя складанасці. Падчас пажару згарэла каля 180 тон бензіну.

Пажар гасілі каля 90 адзінак тэхнікі, эвакуацыя насельніцтва не праводзілася, пацярпелых у выніку пажару няма.

Папярэдне прычынай пажару называюць удар маланкі ў рэзервуар, адзначае "Інтэрфакс".