У свеце "свіным грыпам" захварэлі амаль 90 тысяч чалавек

Амаль 90 тысяч чалавек захварэлі ўжо "свіным грыпам" у свеце паводле афіцыйных звестак сусветнай арганізацыі аховы здароўя. 382 чалавекі памерлі.
Як паведамляе сайт rbc.ru, найбольш хворых па-ранейшаму зафіксавана ў ЗША — амаль 34 тысячы выпадкаў, 170 чалавек памерлі. У Мексіцы, дзе вірус упершыню быў выяўлены, захварэла больш за 10 тысяч чалавек, з іх памерлі 119 чалавек.

Нагадаем, што ў Беларусі дагэтуль не было выяўлена хворых "свіным грыпам". У траўні ў Маскве была шпіталізаваная грамадзянка Беларусі, якая была заражаная вірусам, для лячэння яна вярнулася ў Італію, дзе стала пражывае.