Зборная Беларусі прайграла свой першы матч на турніры “Кубак Палесся”

У чацвер увечары ў Гомелі хакейная зборная Беларусі прайграла свой першы матч на турніры “Кубак Палесся” зборнай Даніі з лікам 2:4 (1:1, 0:3, 1:0). Адзначым, што наша каманда складалася выключна з кандыдатаў. Прыгожай гульні беларускай зборнай гамяльчане так і не пабачылі. Датчане выглядалі мацнейшымі і больш арганізаванымі.
 
У пятніцу беларуская зборная гуляе са Славеніяй, якая ў першым матчы прайграла Нарвегіі - 1:3.




Адзначым, што на гульні зборных Беларусі і Даніі прысутнічалі прадстаўнікі мясцовага кіраўніцтва - старшыня аблвыканкама Аляксандр Якабсон і старшыня гарвыканкама Віктар Піліпец. Цікава, што сярод гульцоў зборнай Даніі прысутнічаў амаль цёзка старшыні аблвыканкама (гл. здымак). Ён, дарэчы, стаў лепшым гульцоў датчан у матчы.