28 дзетак шпіталізаваныя ў Барысаве з прыкметамі інфекцыі
Здароўе / pexels.com
28 дзетак шпіталізаваныя ў Барысаве з прыкметамі інфекцыі. Іх стан стабільны.
У асноўным былі шпіталізаваныя дашкольнікі, большасць даставілі ў інфекцыйнае аддзяленне Барысаўскай ЦРБ увечары 2-га чэрвеня. Яшчэ адно дзіця прывезлі на наступную раніцу. У чатах пішуць, што ўсім стала дрэнна пасля вяртання з дзіцячых садкоў, прычым гаворка ідзе пра розныя дзіцячыя садкі.
Па словах галоўнага санітарнага доктара Мінскай вобласці Аляксандра Тарасенкі, сёння ўсе пацыенты адчуваюць сябе здавальняюча, назіраецца станоўчая дынаміка.
Цяпер у Барысаве праводзіцца эпідэміялагічнае расследаванне. Бацькі пацярпелых дзетак мяркуюць, што справа ў дзіцячым харчаванні.
