ЗША знялі санкцыі з кампаніі, звязанай са Жлобінскім БМЗ
Беларускі металургічны завод / vk.com/bmznews
Злучаныя Штаты працягваюць змякчаць санкцыі супраць беларускай прамысловасці. Упраўленне кантролю за замежнымі актывамі (OFAC) Мінфіна ЗША зняла санкцыі з кампаніі Bel-Kap-Steel, звязанай з Беларускім металургічным холдынгам.
Гэтая фірма была зарэгістраваная ў Маямі з 1998 года. Фактычна яна займаецца пастаўкамі прадукцыі Беларускага металургічнага завода ў Штаты.
Увядзенне санкцый супраць яе тлумачыліся тым, што БМЗ уваходзіць у пяцёрку найбуйнейшых беларускіх прадпрыемстваў і "прыносіць рэжыму Лукашэнкі мільённыя даходы".
У амерыканскі санкцыйны спіс кампанія Bel-Kap-Steel трапіла ў жніўні 2023 года. Тады ж санкцыі супраць яе ўвёў і Еўрасаюз.
Дарэчы, раней ЗША змякчалі санкцыі супраць афіцыйнага Мінска паралельна з вызваленнем беларускіх палітвязняў.
