Акруговая выбарчая камісія абвінаваціла свайго члена ў дыскрэдытацыі
На пасяджэнні шклоўскай акруговай камісіі абмяркоўвалі не парушэнне выбарчага заканадаўства, а паводзіны сябра акруговай камісіі, які гэтыя парушэнні выявіў.
Нагадаем, 28 верасня сябра шклоўскай акруговай камісіі Пётр Мігурскі заўважыў 3 пратаколы участковых камісій. Усе яны былі падпісаныя чальцамі выбарчай камісіі, аднак пратакол з вёскі Александрыя быў незапоўнены, лічбы ў другім пратаколе былі прастаўленыя алоўкам, а пратакол з вёскі Бушлякі увогуле пусты, але таксама падпісаны.
Мігурскі забраў пратаколы з сабой і паслаў скаргу на парушэнне ў ЦВК. Акруговая камісія, разглядаючы гэты факт на пасяджэнні 9 кастрычніка, абмяркоўвала не факт парушэння, а самога Пятра Мігурскага, які, на думку старшыні камісіі, не павінен быў забіраць пратаколы і пісаць заяву ў ЦВК, а мусіў вырашыць гэтую праблему ў камісіі.
Прысутныя на пасяджэнні старшыні камісіяў з Александрыі і Бушлякоў Таццяна Кавалёва ды Генадзь Шанталосаў сказалі, што ўсё рабілі згодна з заканадаўствам і рэкамендацыямі ЦВК. Пратаколы, што забраў Мігурскі, яны назвалі чарнавікамі, а сапраўдныя пратаколы нібыта ляжалі побач.
Старшыня акруговай камісіі Людміла Глякава назвала дзеянні Мігурскага дыскрэдытацыяй камісіі і адмовіла яму ў задавальненні скаргі. Старшыням участковых камісій зрабілі заўвагі і папярэдзілі, каб яны больш не захоўвалі чарнавыя пратаколы разам з сапраўднымі. Людміла Глякава зачытала рашэнне камісіі з напісанага і раздрукаванага пратакола:
Людміла Глякава: "Акруговая выбарчая камісія вырашыла адзначыць дзеянні Мігурскага Пятра Сцяпанавіча, як дыскрэдытуючыя працу акруговай выбарчай камісіі. Адмовіць Мігурскаму Пятру Сцяпанавічу ў задавальненні яго заявы".
У інтэрв'ю Еўрарадыё Пётр Мігурскі сказаў:
Пётр Мігурскі: "У мяне стварылася ўражанне, што ніхто і не збіраўся разглядаць, прынцыпова, маю скаргу. Разглядаліся мае паводзіны як сябра акруговай камісіі".
Рыгор Кастусёў, экс-кандыдат у дэпутаты па шклоўскай акрузе, былы супернік “абранага” старшыні райвыканкама Валерыя Іванова, адзначыў, што камісія сваім рашэннем парушыла беларускае заканадаўства:
Рыгор Кастусёў:“Улада, шклоўскі райвыканкам спрабуе прыгожа выйсці з гэтай сітуацыі. І яны нічога іншага не прыдумалі, як проста паспрабаваць на камісіі разгледзець, быццам бы, персанальную справу Мігурскага. Зрабіць Мігурскага злачынцам, замест тых людзей, якія сапраўды дапусцілі злачынства — парушэнне беларускага заканадаўства".
Нагадаем, 28 верасня сябра шклоўскай акруговай камісіі Пётр Мігурскі заўважыў 3 пратаколы участковых камісій. Усе яны былі падпісаныя чальцамі выбарчай камісіі, аднак пратакол з вёскі Александрыя быў незапоўнены, лічбы ў другім пратаколе былі прастаўленыя алоўкам, а пратакол з вёскі Бушлякі увогуле пусты, але таксама падпісаны.
Мігурскі забраў пратаколы з сабой і паслаў скаргу на парушэнне ў ЦВК. Акруговая камісія, разглядаючы гэты факт на пасяджэнні 9 кастрычніка, абмяркоўвала не факт парушэння, а самога Пятра Мігурскага, які, на думку старшыні камісіі, не павінен быў забіраць пратаколы і пісаць заяву ў ЦВК, а мусіў вырашыць гэтую праблему ў камісіі.
Прысутныя на пасяджэнні старшыні камісіяў з Александрыі і Бушлякоў Таццяна Кавалёва ды Генадзь Шанталосаў сказалі, што ўсё рабілі згодна з заканадаўствам і рэкамендацыямі ЦВК. Пратаколы, што забраў Мігурскі, яны назвалі чарнавікамі, а сапраўдныя пратаколы нібыта ляжалі побач.
Старшыня акруговай камісіі Людміла Глякава назвала дзеянні Мігурскага дыскрэдытацыяй камісіі і адмовіла яму ў задавальненні скаргі. Старшыням участковых камісій зрабілі заўвагі і папярэдзілі, каб яны больш не захоўвалі чарнавыя пратаколы разам з сапраўднымі. Людміла Глякава зачытала рашэнне камісіі з напісанага і раздрукаванага пратакола:
Людміла Глякава: "Акруговая выбарчая камісія вырашыла адзначыць дзеянні Мігурскага Пятра Сцяпанавіча, як дыскрэдытуючыя працу акруговай выбарчай камісіі. Адмовіць Мігурскаму Пятру Сцяпанавічу ў задавальненні яго заявы".
У інтэрв'ю Еўрарадыё Пётр Мігурскі сказаў:
Пётр Мігурскі: "У мяне стварылася ўражанне, што ніхто і не збіраўся разглядаць, прынцыпова, маю скаргу. Разглядаліся мае паводзіны як сябра акруговай камісіі".
Рыгор Кастусёў, экс-кандыдат у дэпутаты па шклоўскай акрузе, былы супернік “абранага” старшыні райвыканкама Валерыя Іванова, адзначыў, што камісія сваім рашэннем парушыла беларускае заканадаўства:
Рыгор Кастусёў:“Улада, шклоўскі райвыканкам спрабуе прыгожа выйсці з гэтай сітуацыі. І яны нічога іншага не прыдумалі, як проста паспрабаваць на камісіі разгледзець, быццам бы, персанальную справу Мігурскага. Зрабіць Мігурскага злачынцам, замест тых людзей, якія сапраўды дапусцілі злачынства — парушэнне беларускага заканадаўства".
