Англійская “Астан Віла” упершыню выйграла Лігу Еўропы УЕФА
У фінале яны разграмілі футбалістаў нямецкага “Фрайбург”. / Reuters
20 траўня футбалісты англійскага клуба "Астан Віла" выйгралі свой першы буйны еўрапейскі трафей за больш як 40 гадоў, перамогшы "Фрайбург" з лікам 3:0 у фінальным матчы Лігі Еўропы УЕФА.
Гэта першая ў гісторыі "Астан Вілы" перамога ў фінале гэтага турніру.
"Неверагодны вечар! Вялізныя віншаванні ўсім гульцам, камандзе, персаналу і ўсім, хто звязаны з клубам! 44 гады з моманту апошняй перамогі ў еўрапейскім турніры!" — напісаў заўзятар "Вілы" Прынц Уільям, які прысутнічаў на матчы.
Падчас цырымоніі ўзнагароджання прынц Уільям не змог стрымаць слёз радасці.
Да гэтага апошнім еўрапейскім поспехам клуба з англійскага Бірмінгема была перамога ў Кубку еўрапейскіх чэмпіёнаў у 1982 годзе.
Для Унаі Эмеры, трэнера "Астан Вілы" з 2022 года, гэта ўжо пятая перамога ў Лізе Еўропы.
У мінулым сезоне пераможцамі Лігі Еўропы былі футбалісты англійскага Тотэнхэм Хотспур, якія абыгралі ў фінале Манчэстэр Юнайтэд.
