Больш за 300 беларускіх школаў пяройдуць на электронныя журналы і дзённікі
Камп'ютар, ілюстрацыйнае фота / pixabay.com
Ужо з 1 верасня больш за 300 беларускіх школаў пачнуць працаваць у аўтаматызаванай сістэме "Электронная школа", паведамляе прэс-служба Міністэрства адукацыі.
У пілотных школах увядуць электронныя журналы і дзённіки. Паэтапны пераход на "лічбу" ў астатніх установах краіны запланаваны на 2026/2027 навучальны год.
"Калі ваша школа ўжо выкарыстоўвае іншыя электронныя платформы, у новым навучальным годзе нічога не мяняецца — яны працягнуць працаваць у штатным рэжыме. Для камфортнага старту пройдуць навучальныя вебінары, таксама будзе забяспечана пастаянная тэхнічная падтрымка", — пракаментавалі новаўвядзенне ў Мінадукацыі.
Галоўнай мэтай называюць павышэнне якасці кіравання ўстановай адукацыі і мінімізацыю папяровай нагрузкі для педагогаў.
