У страшнай аварыі на Гомельшчыне адзін чалавек загінуў, сем трапілі ў шпіталь

Смяротная аварыя адбылася зранку 21 ліпеня ў Буда-Кашалёўскім раёне. Як паведамляюць у МУС, на 378-м км аўтадарогі М-8 "мяжа Расійскай Федэрацыі — Віцебск — Гомель — мяжа Украіны" сутыкнуліся аўтамабілі Renault і Jetta vs7.

Пры аварыі загінула 65-гадовая жанчына, якая ехала пасажыркай у Renault. У шпіталь трапілі 41-гадовая кіроўца і мужчына (узрост цяпер высвятляецца), а таксама двое дзяцей (16 і 11 гадоў).

Таксама ў шпіталь трапілі людзі з аўтамабіля Jetta VS7 — 45-гадовая кіроўца і пасажыры — 53-гадовы мужчына і 12-гадовая дзяўчынка.

Мяркуючы па кадрах з месца здарэння, некаторым удзельнікам аварыі спатрэбілася дапамога супрацоўнікаў МНС, каб выбрацца з машын.