Б’ёмся яйкамі! Мілая традыцыя з літоўскага футбола прыйшла ў Беларусь
Замест падкідвання манеткі — біць яйкі / Скриншот видео
Перад Вялікаднем гульцы каманд літоўскай вышэйшай лігі пабіліся велікоднымі яйкамі, каб вызначыць, хто будзе разыгрываць мяч з цэнтра поля. Звычайна такая працэдура праводзіцца праз падкідванне манеткі суддзёй. Але ў Літве перад святам вырашылі змяніць традыцыю. Чыё яйка засталося цэлым, той і атрымаў права выбару.
Відэа разляцелася па інтэрнэце, і ўжо беларускія клубы пачалі пераймаць гэтую мілую традыцыю.
Спачатку перад гульнёй у Першай лізе капітаны БАТЭ-2 і "Смаргоні" перад матчам пабіліся яйкамі.
А 11 красавіка перад таварыскай гульнёй капітаны "Крумкачоў" і "Спадарожніка" з Другой лігі паўтарылі прыгожую традыцыю і правялі арыгінальную жараб’ёўку яйкамі.
