Стартаваў прыём дакументаў у ВНУ на агульных падставах

12-га ліпеня ў Беларусі стартуе прыём дакументаў у ВНУ на агульных падставах. Учора скончылася залічэнне "мэтавікоў" — для іх сёлета вылучана больш за шэсць тысяч месцаў, а заявак падалі больш за дзевяць тысяч.

Падаваць дакументы можна і праз электронную чаргу: абітурыент можа праз асабісты кабінет забраніраваць дату і час, калі яму зручна прыйсці ў прыёмную камісію. Чакаецца, што гэтай опцыяй скарыстаюцца каля паловы будучых студэнтаў. Але будзе і традыцыйная жывая чарга.

Прыём дакументаў на агульных падставах працягнецца па 17-га ліпеня. Выпускнікі профільных класаў мусяць вызначыцца з месцам вучобы раней — да 14-га ліпеня. А для асобных спецыяльнасцяў сілавога блока прыём будзе працягвацца да 19-га ліпеня.