Дыплом педагога ў Беларусі змогуць атрымаць двоечнікі

У Беларусі завяршыўся прыём дакументаў ва ўніверсітэты на бюджэт па большасці спецыяльнасцей. Еўрарадыё ўжо пісала пра зніжэнне прахадных балаў на медыцынскія спецыяльнасці. Сітуацыя з педагагічнай адукацыяй таксама заслугоўвае асобнай увагі.

У Беларускі дзяржаўны педагагічны ўніверсітэт (БДПУ) конкурс склаўся і на некаторых спецыяльнасцях прахадныя балы будуць вельмі высокімі: напрыклад, на псіхалогіі і гісторыі. Аднак па некаторых напрамках паказчыкі значна горшыя.

Напрыклад, каб вучыцца бясплатна на настаўнікаў матэматыкі і інфарматыкі або матэматыкі і фізікі, хапае і менш за 300 балаў з 400 — прахадныя балы, судзячы па падліках Еўрарадыё, складуць каля 270. Адпаведна, на платнае пойдуць абітурыенты з яшчэ больш нізкімі адзнакамі. Падобныя балы будуць і на спецыяльнасці "пачатковая адукацыя".