Набор у медыцынскія ВНУ правальваецца

"Геніяльны" ход чыноўнікаў з адменай платнага навучання ў медуніверсітэтах дае першы вынік. Сёлета конкурс сярод будучых медыкаў складваецца меншы, чым быў раней.

Напрыклад, у БДМУ за некалькі гадзін да заканчэння прыёму дакументаў на 201 месца па конкурсе на спецыяльнасці "Лячэбная справа" прэтэндуе 240 чалавек. Здавалася б, конкурс ёсць. Аднак цяпер атрымаць бясплатную адукацыю і стаць доктарам могуць нават тыя, у каго менш за 300 балаў з 400, што для медуніверсітэта — дрэнны паказчык.

Будучымі педыятрамі ці фармацэўтамі патэнцыйна могуць стаць абітурыенты з 260 баламі.

У рэгіянальных ВНУ яшчэ горш. Так, у Віцебскім медуніверсітэце дагэтуль няма конкурсу на "Лячэбную справу" ці "Педыятрыю" (яшчэ ўчора на гэтую спецыяльнасць былі тры кандыдаты на 25 месцаў!). І лекарамі з гарантаваным працаўладкаваннем могуць стаць абітурыенты, якія маюць менш за 200 балаў. Падобная катастрофа адбываецца і ў медуніверсітэце ў Гродне.

У 2025-м прахадныя балы на бюджэт (паводле конкурсу) у медыцынскія ВНУ амаль нідзе не апускаліся ніжэй за 350, аналагічная сітуацыя была і на платнае навучанне.

Прыём заяваў у ВНУ заканчваецца 17 ліпеня.