Экс-кіраўніка Офіса Зяленскага ўзялі пад варту
Андрэй Ярмак у судзе / hromadske.ua
Суд у Кіеве вырашыў адправіць пад варту колішняга кіраўніка Офіса Зяленскага Андрэя Ермака, піша hromadske.ua. Ён плануе абскарджваць пастанову.
Яго падазраюць у адмыванні грошай, якія былі атрыманыя злачынным шляхам.
Ярмак можа апынуцца на волі, але пад велізарны заклад — 140 млн грыўняў, то бок крыху менш за 3,2 млн долараў. Пасля суда ён сказаў журналістам: "У мяне такіх грошай няма, зараз адвакат будзе працаваць..."
Андрэй Ярмак быў правай рукой прэзідэнта Украіны. У лістападзе 2025-га ён пайшоў у адстаўку на фоне карупцыйны скандалу з так званымі "плёнкамі Міндзіча" — бізнесоўца і блізкага сябра Уладзіміра Зяленскага. Як сцвярджаюць антыкарупцыйныя органы, з гэтых плёнак вынікае, што шэраг былых і цяперашніх кіраўнікоў украінскага ўрада замяшаныя ў буйной схеме "адкатаў" у энергетыцы.
