Галоўнага пракурора Міжнароднага крымінальнага суда адхілілі ад пасады
Карым Хан / icc-cpi.int
Пракурора Міжнароднага крымінальнага суда (МКС) Карыма Хана часова адхілілі ад выканання абавязкаў. Як паведамляецца на сайце МКС, гэта звязана з дысцыплінарным разбіральніцтвам.
Для разгляду пытання будзе збірацца спецыяльная сесія Асамблеі дзяржаў-удзельніц Рымскага статута. Рашэнне пра адхіленне было прынятае пасля расследавання, якое правяло Упраўленне службаў ўнутранага нагляду ААН (OIOS).
Яшчэ ў 2024 годзе Карыма Хана абвінавацілі ў сексуалізаваных дамаганнях. Тады ў СМІ паведамлялася, што меркаваная ахвяра выказала сумневы ў бесстароннасці ўнутранага расследавання, бо камісію ў апараце МКС узначальвае былы супрацоўнік Хана. Сам Хан адмаўляў абвінавачванні і прасіў правесці праверку.
Карым Хан узначальвае пракуратуру Міжнароднага крымінальнага суда з 2021 года. У сакавіку 2023-га ён выдаў ордэры на арышт прэзідэнта Расіі Уладзіміра Пуціна і ўпаўнаважанай па правах дзіцяці Марыі Львовай-Бяловай: іх падазраюць у датычнасці да незаконнай дэпартацыі ўкраінскіх дзяцей з акупаваных тэрыторый.
