У Славакіі праваліўся рэферэндум аб пажыццёвай пенсіі Фіца

У Славакіі праваліўся рэферэндум, дзе вырашалася пытанне пажыццёвых выплат цяперашняму прэмьеру Роберту Фіца і іншым лідарам пасля таго, як скончацца іх паўнамоцтвы.

Згодна вынікам ад Славацкага статыстычнага ўпраўлення, славакі проста не прыйшлі на ўчасткі. Яўка склала 16,4% — а гэта значна ніжэй за неабходныя 50%.

Рэферэндум адбыўся на падставе петыцыі, арганізаванай "Дэмакратамі" — пазапарламенцкай празаходняй апазіцыйнай партыяй. Яе мэта — адмена пажыццёвых выплат для для высокапастаўленых чыноўнікаў Славакіі, у прыватнасці для Роберта Фіца. 

Выплаты былі ўведзеныя пасля замаху на жыццё Фіца ў 2024 годзе, калі ён быў паранены з агнястрэльнай зброі. Да 2024 года такая дапамога прадастаўлялася толькі былым прэзідэнтам.

З таго часу прэм'ер-міністры і спікеры парламента Славакіі, якія прабылі на пасадзе не менш за два тэрміны, маюць права на штомесячную суму, роўную заробку дэпутатаў парламента да канца жыцця.

Дарэчы, гэта не азначае, што славакі гатовыя плаціць палітыкам да іх смерцці. Славакі проста не ходзяць на рэферэндумы. Толькі адзін з 10-ці ў гісторыі Славакіі, калі ў 2003 годзе галасавалі за ўступленне краіны ў ЕС, быў паспяховым. Астатнія праваліліся праз нізкую яўку.