КДБ апытвае работнікаў Рэчыцкага завода, якія падпісваліся за Бабарыку ў 2020-м
Збор подпісаў за Бабарыку, травень 2020 / Reuters/Euroradio.fm
На Рэчыцкім заводзе металавырабаў сталі масава выклікаць работнікаў, якія ў 2020 годзе падпісваліся за вылучэнне на прэзідэнцкіх выбарах Віктара Бабарыкі. Пра гэта даведаліся праваабаронцы з "Гомельскай Вясны". Наконт подпісаў за іншых альтэрнатыўных Лукашэнку прэтэндэнтаў, нават Святланы Ціханоўскай, не пытаюць.
Людзей пытаюць, чым іх не задавальняе цяперашняя ўлада, што яны падчас выбарчай кампаніі 2020 года падпісваліся за альтэрнатыўнага Лукашэнку прэтэндэнта. Сілавікі называюць такія подпісы парушэннямі. Некаторых прымушаюць пад дыктоўку пісаць "пакаянныя" цыдулкі з прызнаннем: "Памыляўся, што не зарыентаваўся ў грамадска-палітычнай сітуацыі, у чым цяпер моцна раскайваюся і абавязваюся надалей не здзяйсняць падобных правапарушэнняў".
Абавязковай часткай такой "гутаркі" з’яўляецца праверка тэлефонаў. Імаверна, прайсці такую праверку атрымліваецца не ва ўсіх, бо ў некаторых цэхах ужо вядома пра звальненне людзей пасля вяртання з такой сустрэчы. Афіцыйна звальненне афармляецца паводле пагаднення бакоў.
Работнікі завода кажуць, што на гэтых гутарках абавязкова прысутнічае намеснік дырэктара заводу па бяспецы, рэжыме і кадрах Аляксандр Сыцько. Раней ён працаваў у Следчым камітэце — спачатку ў Рэчыцы, а пазней у Лоеве.
@euroradio Еўрапейцы ўжо кантактуюць з рэжымам, але ён не хоча ісці на саступкі, кажа кіраўнік НАУ Павел Латушка ў эфіры Еўрарадыё. Пра галоўныя падзеі і сэнсы слухайце кожны дзень на Еўрарадыё ў праграме #еўразум. Праграму таксама можна паслухаць як падкаст на Soundcloud, Spotify, Apple podcasts і нават у тэлеграме Euroradio, а таксама на FM: 98,1 FM у ГРОДНЕ, Ваўкавыску, Шчучыне, Лідзе, Мастах, Лунне, Сапоцкіне, Бераставіцы, Скідзелі, Індуры, Зэльве, Азёрах, Гайнаўцы, Бельску-Падляшскім, Сямятычах, Саколцы, Аўгуставе і Беластоку. 99,2 FM у БРЭСЦЕ, Камянцы, Маларыце, Белай-Падляшскай, Высокім: Па буднях: 06:00-07:00 ЕўраZOOM 19:05-20:00 ЕўраZOOM Па суботах: 06:00-07:00 ЕўраZOOM #беларусьсегодня #беларусьсейчас #новостибеларуси #беларусь2026 #еўрарадыё #беларусь🇧🇾 #лукашенко #беларусьевропа #павеллатушко ♬ original sound - Euroradio
