Варшаўскага нападніка на Аляксандру Герасіменю арыштавалі

У Варшаве арыштавалі мужчыну, які напаў на беларускую спартоўку Аляксандру Герасіменю і стукнуў яе.

Пракуратура варшаўскага раёна Ахота пачала на яго справу. У паведамленні ведамства гаворыцца, што Марціна Н. падазраюць у трох хуліганскіх злачынствах, учыненых 10-11 ліпеня 2026 года на аўтавакзале "Варшава Заходняя". Мужчына нападаў на розных людзей, у тым ліку на віцэ-чэмпіёнку Алімпійскіх гульняў, плыўчыху Аляксандру Герасіменю.

Арыштаваны прызнаў сваю віну. У якасці тлумачэння ён заявіў, што пацярпелыя "былі ягонымі сябрамі, якім ён пазычыў грошы, а цяпер яны яго не пазнаюць".

У пракуратуры падкрэсліваюць, што напад на Герасіменю не звязаны з яе нацыянальнай прыналежнасцю. Цяпер следчыя высвятляюць, ці былі іншыя пацярпелыя, а таксама ці ёсць неабходнасць у судова-псіхіятрычным абследаванні падазраванага.

Паляка папярэдне арыштавалі на тры месяцы. Яму пагражае да трох гадоў пазбаўлення волі.

Пра напад на Аляксандру Герасіменю стала вядома 13 ліпеня. Спартоўка расказала, што яе на вакзале без прычыны стукнуў мужчына, які ішоў насустрач. Яна напісала заяву ў паліцыю пра гэты напад.