У Беларусі знайшлі работніка з графікам працы 4 хвіліны 48 секундаў за дзень
Работніка з самым кароткім графікам знайшлі ў аднаго з аператараў, ілюстрацыйнае фота / pixabay.com
У Беларусі знайшлі работніка з самай кароткай працоўнай зменай — 4 хвіліны 48 секундаў за дзень.
Хутчэй, пасада была ўведзеная фармальна, мяркуюць у Нацыянальным цэнтры абароны персанальных даных (НЦАПД). Гэта быў адказны за ўнутраны кантроль апрацоўкі персанальных даных у аднаго з аператараў. Работнік на гэтай пасадзе працаваў дыстанцыйна.
У НЦАПД палічылі, што што такі працоўны графік не дазваляў работніку эфектыўна выконваць свае абавязкі. У выніку аператар дапусціў іншыя сур'ёзныя парушэнні заканадаўства аб персанальных даных.
