Латвія пачынае ўмацоўваць мяжу з Беларуссю і Расіяй
На латвійскай мяжы, ілюстрацыйнае фота / delfi.lv
Латвія пачынае работы па ўмацаванні мяжы з Беларуссю і Расіяй.
Дзяржкампанія па кіраванні нерухомасцю ўжо абрала падрадчыкаў. Мяркуецца, што кантракты з імі заключаць да пачатку чэрвеня. А самі работы павінны стартаваць з пачаткам лета, піша Delfi.
Плануецца пабудаваць пляцоўкі для захоўвання сродкаў контрмабільнасці (у іх звычайна ўваходзяць супрацьтанкавыя перашкоды, драцяныя і выбуховыя загароды і г.д.). Таксама гаворка ідзе пра стварэнне процітанкавых равоў і пастаўку сродкаў контрмабільнасці.
Агульны памер фінансавання складае амаль 13 млн еўра.
