Партыя Пашыняна лідзіруе на парламенцкіх выбарах у Арменіі
Нікол Пашынян пасля выбараў / jam-news.net
На парламенцкіх выбарах у Арменіі лідзіруе кіруючая партыя краіны "Грамадзянская дамова", якую ўзначальвае прэм'ер Нікол Пашынян.
Цэнтрвыбаркам зранку 8 чэрвеня абвясціў, што апрацаваў звесткі з 1924 з 2005 выбарчых участкаў — гэта каля 95,9% ад іх агульнай колькасці, адзначае jam-news.net.
Па стане на 8:00 мінскага часу вынікі галасавання выглядаюць так:
"Грамадзянская дамова" — 50,04%;
"Моцная Арменія" (армяна-рассійскі бізнесовец Самвел Карапяцян) — 23,33%;
Блок "Арменія" (экс-прэзідэнт Роберт Качаран) — 9,85%;
"Квітнеючая Арменія" (Гагік Царукян) — 3,98%.
Пашынян на начной канферэнцыі абвясціў перамогу сваёй партыі і выказаў упэўненасць, што яна самастойна здолее сфармаваць урад.
