Пракуратура знайшла ў продажы "экстрэмісцкія" мемуары, якія выдавалі яшчэ ў СССР
Хайнц Гудэрыян / Вікіпедыя
Падчас маніторынгу інтэрнэт-крамаў пракуратура Заводскага раёна Мінска знайшла ў продажы кнігу мемуараў нямецкага генерал-палкоўніка Хайнца Гудэрыяна "Успаміны нямецкага генерала. Танкавыя войскі Германіі ў Другой сусветнай вайне 1939-1945". У лістападзе 2025-га суд у Менску прызнаў яе "экстрэмісцкім матэрыялам".
Па патрабаванні пракуратуры ўладальнік зняў выданне з продажу. Кніга надрукаваная ў Расіі выдавецтвам "Центрополиграф", там яе можна купіць.
Дарэчы, мемуары Гудэрыяна выходзілі першапачаткова ў СССР. Пад назвай "Успаміны салдата" іх апублікавала выдавецтва Мінабароны СССР "Воениздат" у 1954 годзе. Пры гэтым з кнігі пры перакладзе былі выразаныя фрагменты, якія не адпавядалі савецкай версіі гісторыі.
Гудэрыян пасля вайны не быў абвінавачаны ў ваенных злачынствах. Ён жыў у ФРГ, быў ваенным дарадцам.
