Прэзідэнт Нікарагуа адмяніў выбары, каб не перамагла апазіцыя

Шматгадовы кіраўнік Нікарагуа Даніэль Артэга адмяніў выбары, каб да ўлады не прыйшла апазіцыя.

Артэга ўзначаліў краіну ў 1979 годзе ў выніку Сандынісцкай рэвалюцыі, падчас якой дапамог зрынуць жорсткую дыктатуру Анастасіа Самосы. Ён кіраваў Нікарагуа да 1990 года.

У 2007 Артэга зноў стаў прэзідэнтам Нікарагуа і з таго часу ўзмацняе сваю ўладу. Напрыклад, летась ён правёў чарговыя рэформы, зрабіўшы сваю жонку “супрэзідэнтам” і працягнуўшы прэзідэнтскую кадэнцыю да шасці гадоў. Разам з жонкай яны кантралююць амаль усе аспекты ўрада, у тым ліку армію і судовую сістэму.

Апошнія выбары ў Нікарагуа прайшлі ў 2021 годзе. Кампанія скончылася рэпрэсіямі і турмой для кандыдатаў у прэзідэнты і палітычных актывістаў.