Ключавы амерыканскі перамоўшчык па вызваленні палітвязняў пакідае пасаду
Крыстафер Сміт і Святлана Ціханоўская / прэс-служба Ціханоўскай
Сваю пасаду пакідае амерыканскі топ-чыноўнік, які курыруе тэму Беларусі. Як даведалася выданне "Зеркало", бліжэйшым часам працу зменіць намеснік памочніка дзяржсакратара ЗША Крыстафер Сміт.
У Дзярждэпартаменце ЗША Сміт цяпер займаецца тэмай Усходняй Еўропы. Ён удзельнічаў у перамовах паміж ЗША з Лукашэнкам, якія сканчваліся вызваленнем палітвязняў.
Сваю пасаду чыноўнік займае з 2023-га.
Наўпрост за камунікацыю паміж Белым домам і Лукашэнкам сёння адказвае спецпасланнік Дональда Трампа Джон Коўл. Ён быў прызначаны ў лістападзе 2025-га. Спецпасланнік прэзідэнта не можа займаць пасаду больш за 360 дзён без ухвалення Сената. Коўл гэтую працэдуру пакуль не прайшоў.
