Пры рэканструкцыі царквы ХІХ стагоддзя пад Гарадком знайшлі чалавечыя парэшткі
Знаходка ў Гарадоцкім раёне / Дзяржкамітэт судовых экспертыз
Пад падлогай царквы ХІХ стагоддзя знайшлі чалавечыя парэшткі. Гэта адбылося пры рэканструкцыі царквы Ушэсця Гасподняга ў Гарадоцкім раёне.
Чалавечыя парэшткі выявілі рабочыя. Косткі знаходзіліся ў пясчаным пласце пад бетоннай асновай падлогі.
На месца знаходкі выязджала група судовых экспертаў. Яны зафіксавалі абстаноўку і забралі касцяныя фрагменты на даследаванне. Экспертам належыць выявіць даўнасць пахавання, пол і прыкладны ўзрост чалавека. Таксама яны плануюць вывучыць магчымасць выдзялення ДНК-профілю для ідэнтыфікацыі асобы і ацаніць сляды магчымых траўмаў або паталагічных змен.
Царква Ушэсця Гасподняга / Дзяржкамітэт судовых экспертыз
Тут рабочыя натрапілі на чалавечыя парэшткі / Дзяржкамітэт судовых экспертыз
Тут рабочыя натрапілі на чалавечыя парэшткі / Дзяржкамітэт судовых экспертыз
