Расія і Украіна дамовіліся аб перамір’і на час праваслаўнага Вялікадня
Вербная нядзеля ў храме Кіева / Суспільне
Расія і Украіна дамовіліся аб перамір’і на час праваслаўнага Вялікадня.
Прэзідэнт Украіны Уладзімір Зяленскі неаднаразова заклікаў да спынення агню. Раней на гэтым тыдні прэзідэнт Украіны казаў, што папрасіў Злучаныя Штаты перадаць Маскве прапанову аб перамір’і на час святочных выходных.
Учора прэзідэнт Расіі Уладзімір Пуцін абвясціў аб прыпыненні агню, якое пачнецца ў суботу а 16:00 па мясцовым часе і працягнецца на Велікодную нядзелю.
"Мы прапаноўвалі ў гэтым годзе спыненне агню на час велікодных свят і будзем дзейнічаць адпаведна. Людзям патрэбны Вялікдзень без пагроз і рэальны рух да міру", — сказаў Зяленскі.
Ён дадаў, што ў Расіі ёсць шанец не вяртацца да ўдараў і пасля Вялікадня.
