Генпракуратура просіць Літву і Швецыю дапамагчы ў расследаванні
Беларускі бок звярнуўся да гэтых краін з просьбай аказаць прававую дапамогу ў расследаванні справы аб парушэнні 4 ліпеня беларускай мяжы лёгкаматорным самалётам
Як паведаміў БелаПАН начальнік цэнтра інфармацыі і грамадскіх сувязяў КДБ Беларусі Аляксандр Антановіч, адпаведныя звароты накіраваныя праз Генеральную пракуратуру Беларусі. Паводле яго слоў, беларускія праваахоўныя органы зыходзяць з таго, што ў выніку несанкцыянаванага палёту шведскіх падданых былі парушаныя правілы выкарыстання паветранай прасторы не толькі Беларусі, але і Швецыі, Літвы, блока NATO.
Акрамя таго, як адзначыў Антановіч, беларускі бок настойвае на прыбыцці ў Мінск шведскіх арганізатараў і ўдзельнікаў акцыі, што неабходна для аб'ектыўнага расследавання справы.
Гл. таксама: КДБ: Башарымаву і Сурапіну выставілі абвінавачанні, шведаў чакаем у Мінску
