У выбаркамах не рэгіструюць ініцыятыўныя групы Мікалая Статкевіча
Пра гэта паведаміў Аляксей Гаўруцікаў — аднапартыец палітвязня па Беларускай сацыял-дэмакратычнай партыі "Народная Грамада".
Як паведамляе праваабарончы сайт "Вясна", першай адмовілася рэгістраваць ініцыятыўную групу Мікалая Статкевіча камісія Віцебскай Кастрычніцкай акругі №20.
Назіральнік Анатоль Родзік, сябра партыі левых "Справядлівы свет", кажа, што ў дакументах, пададзеных групай Статкевіча, быў шэраг парушэнняў. У прыватнасці, паводле Выбарчага кодэксу, у выбарах не маюць права ўдзельнічаць асуджаныя і зняволеныя, якія адбываюць тэрмін пакарання.
Нагадаем, што сам палітвязень неаднаразова заклікаў апазіцыю ўдзельнічаць у выбарах.
Фота — "Вясна"
