Сустракаўся з Ціханоўскай і Рыжанковым. Фолькер Цюрк працягне адказваць за правы чалавека
Фолькер Цюрк і Святлана Ціханоўская / Офіс Святланы Ціханоўскай
Фолькера Цюрка пераабралі Вярхоўным камісарам ААН па правах чалавека на другі тэрмін. Яго кандыдатуру падтрымалі 144 краіны, супраць прагаласавалі 10, у тым ліку Расія і ЗША, яшчэ 13 устрымаліся. Сярод іх была Беларусь.
За час працы на гэтай пасадзе Цюрк сустракаўся з дэмакратычнай лідаркай Беларусі Святланай Ціханоўскай і міністрам замежных спраў Беларусі Максімам Рыжанковым. Ціханоўская павіншавала яго з пераабраннем і падзякавала за ўвагу да сітуацыі з правамі чалавека ў Беларусі і беларускіх палітвязняў. Рыжанкоў у 2025 годзе запрашаў Цюрка наведаць Беларусь, аднак візіт пакуль не адбыўся.
