Амбасадар Славакіі заявіў пра планы палегчыць атрыманне візаў для беларусаў

Амбасадар Славакіі ў Беларусі Ёзэф Мігаш заявіў, што славацкія ўлады "робяць усё", каб палегчыць беларусам атрыманне візаў і павялічыць турыстычны абмен паміж дзвюма краінамі. Пра гэта дыпламат сказаў падчас міжнароднай канферэнцыі "Памяць без межаў" у Брэсце. Пры гэтым пра якія-небудзь новыя меры для спрашчэння візавага рэжыму ён не паведаміў.

"Мы робім усё, каб палегчыць атрыманне візы, каб людзі ездзілі да нас не толькі зімой пакатацца на лыжах, але і летам. У нас цудоўная краіна, горы, прырода. Абавязкова ўсё гэта трэба абнавіць", — сказаў Міґаш.

Паводле ягоных слоў, Славакія таксама зацікаўленая ў развіцці супрацоўніцтва з Беларуссю ў сферах гандлю, турызму, культуры і спорту, а таксама ва ўмацаванні сувязяў паміж рэгіёнамі. Дыпламат асобна паскардзіўся на доўгае чаканне на беларускай мяжы, з якім, паводле ягоных слоў, сутыкаюцца славацкія дэлегацыі.