СК абвяргае звесткі пра крымінальную справу на экс-старшыню Гомельскага гарвыканкама
Уладзімір Прывалаў / Гомельскі аблвыканкам
У Следчым камітэце абвяргаюць звесткі пра крымінальную справу на экс-старшыню Гомельскага гарвыканкама Уладзіміра Прывалава. Звесткі пра гэта некалькі дзён таму з'явіліся ў СМІ.
"Паказаная інфармацыя не адпавядае рэчаіснасці. У дачыненні да Уладзіміра Прывалава крымінальная справа не пачыналася, крымінальны пераслед не ажыццяўляўся", — гаворыцца ў заяве ведамства.
Больш за тое — Следчы камітэт пачаў крымінальную справу за паклёп і цяпер шукае "асобаў, якія маюць дачыненне да стварэння фейка і публічнага распаўсюду" інфармацыі.
Уладзімір Прывалаў кіраваў Гомельскім гарвыканкамам тры з паловай гады і месяц таму быў адпраўлены ў адстаўку.
