Трамп кажа, што Іран хоча заключыць здзелку, але ЗША не задавальняюць умовы
Дональд Трамп, прэзідэнт ЗША / Anna Moneymaker / Getty Images
Прэзідэнт ЗША Дональд Трамп заявіў, што Іран хоча заключыць здзелку. Ён сказаў пра гэта ў інтэрв’ю NBC News. Аднак, паводле слоў Трампа, ЗША пакуль не гатовыя да гэтага, "бо ўмовы пакуль недастаткова добрыя".
Ён не назваў канкрэтных умоў, на якія гатовы пагадзіцца Іран. Паводле Трампа, часткай дамоўленасцяў павінна стаць абавязацельства Ірана адмовіцца ад любых ядзерных амбіцый.
У тым жа інтэрв’ю Трамп таксама заявіў, што ЗША поўнасцю знішчылі востраў Харк — найважнейшы цэнтр экспарту іранскай нафты. Ён дадаў, што "мы можам нанесці па ім яшчэ некалькі ўдараў проста дзеля забавы".
Таксама гэтай ноччу Ізраіль і Іран абмяняліся ўдарамі, а з Саудаўскай Аравіі, ААЭ, Кувейта і Катара паступалі паведамленні пра перахоп ракет і беспілотнікаў.
