У "Дукорскім маёнтку" знайшлі парушэнні, але не тыя, на якія былі скаргі
Праверка ў "Дукорскім маёнтку" / Мінпрыроды
Спецыялісты Мінпрыроды правялі праверку ў комплексе "Дукорскі маёнтак" у Пухавіцкім раёне Міншчыны.
Гэта адбылося пасля таго, як у сацсетках завірусілася відэа адной з наведвальніцаў комплексу. Яна абурылася выглядам жывёлаў, якіх там трымаюць, і параўнала пабачанае з канцлагерам. За два дні ролік набраў больш за мільён праглядаў і тысячы абураных каментароў.
У комплексе патлумачылі, што малады як мае рану, бо гэта радавая траўма, маладая казуля атрымала расцяжэнне звязак і г.д. Аднак пазбегнуць праверкі з Мінпрыроды гэта не дапамагло.
Праўда, у паведамленні ведамства па выніках праверкі згадак аб праблемах са здароўем жывёл няма. Парушэнні былі выяўленыя ў іншых сферах — напрыклад, па рэгістрацыі дзікіх жывёл у няволі. З гэтай нагоды была пачатая адміністрацыйная справа.
"Пры гэтым умовы ўтрымання жывёл правераныя асобна — яны адпавядаюць патрабаванням загаду Мінпрыроды №16. Праводзіцца праверка законнасці валодання дзікімі жывёламі. Адпаведныя дакументы запытаныя, прававая ацэнка будзе дадзеная паводле вынікаў", — заяўляюць Мінпрыроды.
Таксама ў ведамстве заяўляюць пра выяўленыя парушэнні абыходжання з адходамі. Вінаватым пагражае адміністрацыйная адказнасць.
