У сераду ў Беларусі чакаюцца дажджы, навальніцы і парывісты вецер

У сераду, 10 чэрвеня, у Беларусі прагназуецца пераменная воблачнасць, паведамляе Белгідрамет.

Месцамі, а па захадзе на большай частцы тэрыторыі пройдуць кароткачасовыя дажджы, у асобных раёнах прагрымяць навальніцы. У начныя і ранішнія гадзіны месцамі будзе згушчацца туман. Вецер прагназуецца пераменных напрамкаў умераны, пры навальніцах — парывісты. Сіноптыкі абвясцілі жоўты ўзровень небяспекі.

Тэрмометры ўначы пакажуць 11-17 градусаў вышэй за нуль, месцамі будзе 8-10 градусаў цяпла. Удзень паветра прагрэецца ад +19 па паўночным захадзе да +29 градусаў па паўднёвым усходзе.

11 чэрвеня чакаецца воблачнае з праясненнямі надвор'е. Уначы пераважна па захадзе краіны, а ўдзень на большай частцы тэрыторыі Беларусі прагназуюцца дажджы, месцамі — моцныя дажджы і навальніцы. Вецер будзе пераменных кірункаў парывісты, удзень пры навальніцах — моцны парывісты. Тэрмометры ўначы пакажуць 10-17 градусаў цяпла, удзень чакаецца ад +15 па захадзе да +29 градусаў па ўсходзе краіны.