ЕС абмяркуе ўзмацненне ціску на Расію пасля ўдараў па гарадах Украіны
Кая Калас / Geert Vanden Wijngaert/AP
Віцэ-прэзідэнтка Еўрапейскай Камісіі Кая Калас анансавала сустрэчы міністраў замежных спраў ЕС. На іх палітыкі абмяркуюць, як узмацніць міжнародны ціск на Расію.
“Расія зайшла ў тупік на полі бою, таму тэрарызуе Украіну наўмыснымі ўдарамі па цэнтрах гарадоў”, — напісала Кая Калас у сацсетцы Х.
Яна назвала дзеянні Крамля “агіднымі актамі тэрору, якія накіраваныя на тое, каб забіць як мага больш мірных жыхароў.
Калас звярнула ўвагу на паведамленні пра выкарыставнне Масквою міжкантынентальнай балістычнай ракеты "Арэшнік".
“Гэта палітычная тактыка запалохвання і безадказнае балансаванне на мяжы ядзернай вайны”, — піша палітык.
