Выходныя ў Беларусі будуць з дажджамі і навальніцамі
Маланка, ілюстрацыйнае фота
У суботу, 13 чэрвеня, у Беларусі будзе воблачна з праясненнямі, паведамляе Белгідрамет.
У многіх раёнах краіны пройдуць дажджы, уначы на большай частцы тэрыторыі Мінскай і Віцебскай абласцей чакаюцца моцныя дажджы. У асобных раёнах прагрымяць навальніцы. Ноччу і раніцай месцамі будзе згушчацца туман. Вецер прагназуецца паўночна-заходні з пераходам на паўднёва-заходні ўмераны, пры навальніцах — парывісты. Сіноптыкі абвясцілі аранжавы ўзровень небяспекі.
Тэрмометры ўначы пакажуць 8-14 градусаў са знакам "плюс", па захадзе чакаецца 5- 7 градусаў цяпла. Удзень паветра прагрэецца ад +14 па поўначы да +23 градусаў па поўдні Беларусі.
14 чэрвеня на большай частцы тэрыторыі краіны таксама пройдуць дажджы, месцамі — з навальніцамі. Вецер будзе паўднёва-заходні, заходні парывісты, удзень на захадзе пры навальніцах — моцны парывісты. Уначы тэмпература паветра складзе 7-13 градусаў вышэй за нуль, удзень чакаецца 14-21 градус цяпла.
