Надвор'е ў Беларусі: у першы дзень лета будзе пераменная воблачнасць
Пераважна без ападкаў / Белсат
У першы дзень лета ў Беларусі будзе пераменная хмарнасць. Пераважна без ападкаў, толькі ноччу па крайнім паўднёвым захадзе пройдуць невялікія кароткачасовыя дажджы. У начны і ранішні час месцамі будзе слабы туман. Вецер пераменных напрамкаў ноччу слабы, днём — 3-8 м/с.
Тэмпература паветра ноччу складзе +2...+7°C, па паўднёвым захадзе да +12. Днём паветра прагрэецца да +19...+24°C.
