Жыхары Нароўлі кажуць пра закрыццё дзіцячага аддзялення ў бальніцы

Жыхары Нароўлі паведамляюць, што ў раённай бальніцы закрылася дзіцячае аддзяленне, заўважыла "Наша Ніва". Цяпер дзеці вымушаныя знаходзіцца на шпіталізацыі разам з старымі.

Між тым у прыёмнай бальніцы кажуць, што не ведаюць ні пра якія перамены, а "начмед знаходзіцца ў адпачынку".

Аднак у дзіцячым аддзяленні паведамілі, што дзеці цяпер сапраўды знаходзяцца не ў педыятрыі, а ў агульным хірургічным аддзяленні. Праўда, з чым звязаная гэтая мера і ці не з'яўляецца яна часовай, журналістам сказаць не змаглі.

У дзяржаўных СМІ тым часам заяўляюць, што педыятрыячнае аддзяленне функцыянуе ў штатным рэжыме. А часовыя перамяшчэнні звязваюць з рамонтам на першым паверсе бальніцы, дзе раней стаялі дзіцячыя ложкі.