З'явіліся звесткі пра гібель каліноўца Ціхана Клюкача
Ціхан Клюкач / MOST
У сацсетках з'явіліся звесткі пра гібель ва Украіне экс-палітвязня каліноўца Ціхана Клюкача. Аўтар пішуць са спасылкай на яго саслужыўца, што малады чалавек загінуў падчас выканання баявога задання 9 траўня 2026 года. 25 ліпеня яму павінна было б споўніцца 24 гады.
Афіцыйнага пацвярджэння гэтай інфармацыі няма. "Наша Ніва" скантактавалася з украінскім байцом Цімам, які пацвердзіў гібель Клюкача, але верыфікаваць гэтую інфармацыю выданне не здолела.
Год таму ў сацсетках таксама паведамлялася пра гібель Клюкача. Але ўрэшце выявілася, што ў яго толькі кантузія, пасля якой баец вярнуўся на пазіцыі.
У Беларусі Ціхана Клюкача ў 2021 годзе асудзілі на 1,5 года калоніі паводле "народнага" 342-га артыкула КК — групавыя дзеянні, якія груба парушылі грамадскі парадак. Ён цалкам адбыў тэрмін і ў сакавіку 2022-га пакінуў Беларусь. Хлопец паехаў ваяваць за Украіну. За гэта яго разам з яшчэ сямю каліноўцамі асудзілі завочна ў 2025-м.
